قصيدة يلماشي بهل ضعون مكتوبه
الرادود سيد فاقد الموسوي
كلمات الشاعر حيدر الحمداني
يالماشي بهل ضعون
اخذ وياك العيون
شلي بيها النواضر
وعنها انته تسافر
يالساكن بالضنون
~~~~~~
عليله وگلبي متعوب
واسولف ويه الدروب
هلبت ريحة اجدام
ارد وفشلتي وياي
يبويه يشيب اصباي
من اذكر ذيج الايام
آخ ومن يجي الليل
بيه فراگك يعيل
تهيج بروحي الالام
واسولف ويه العيون
واگلهن بلكي يلفون
خلافك جفني مانام
~~~~~~
يالماشي بهل ضعون
اخذ وياك العيون
شلي بيها النواضر
وعنها انته تسافر
يالساكن بالضنون
~~~~~~
خل طيفك يجيني
وبيه يسكن ونيني
ارحم هالغريبه
عنك تنشد الروح
شگلها الغالي مذبوح
شيحمل هالمصيبه
اعوض وجهك شلون
وملامح ذيج العيون
مثلك ماكو هيبه
وحگك يابو الدموع
فراگك شگ الضلوع
وخله بگلبي شيبه
~~~~~~
يالماشي بهل ضعون
اخذ وياك العيون
شلي بيها النواضر
وعنها انته تسافر
يالساكن بالضنون
~~~~~~
يالخالي مچانك
انه بعازة حنانك
يالكلك احساس
منو الياخذ سلامي
مشتاگه لعمامي
وخصوصا عمي عباس
صارت كل حياتي
وي لمة خواتي
احن لذيج الانفاس
صدگ عبدالله ذبحوه
بعد بيه دللوه
يا خد گلي ينباس
~~~~~~
يالماشي بهل ضعون
اخذ وياك العيون
شلي بيها النواضر
وعنها انته تسافر
يالساكن بالضنون
~~~~~~
فشل يا منبع الجود
مضيفك بابه مسدود
يا شيخ الهواشم
تطرد صايره الدار
ما مر بينه خطار
عسه يالغالي سالم
يالتمشي ويه دمي
احن لك وانته يمي
صدك ع الغبره نايم
ردلي بداعت ارباك
ضحكتي وگعدتي وياك
تره دلالي هايم
~~~~~~
يالماشي بهل ضعون
اخذ وياك العيون
شلي بيها النواضر
وعنها انته تسافر
يالساكن بالضنون
~~~~~~
( سيد فاقد يلماشي بهل اضعون مكتوبة )
0 تعليقات