كلمات قصيدة اهلا زوار حسين مكتوبه
الرادود مسلم الوائلي
كلمات الشاعر محمود الموسوي
~~~~~~~~~~
أهلا زوار حسين نخدمكم مشتاگين
ونرحب بيكم ونرحب بيكم
~~~~~~~~~~
رفت بلسمه الرايه طلعت ناس وفايه
اجت لحسين مشايه....هله بيهم
يا رايه النلاگيهه كون انسلم عليهه
عطر حسين ظل بيهه....هله بيهم
وصلوا يم الرايه وگعدوا..بتراب الغيره
متعنين حسين وسدوا..بيبان الديره
~~~~~~~~~~
أهلا زوار حسين نخدمكم مشتاگين
ونرحب بيكم ونرحب بيكم
~~~~~~~~~~
طلعوا من شمس باجر بيهم غيرة العاشر
كله ادلل وحاضر....يسمعوها
مواكبنه نصبناها گلوب الهم فتحناها
تفضل حلوه صحناها....يسمعوها
علروس انحطهم لو وصلوا..هيبه المشايه
نطلع كل احنه من الموكب..نتلگه الرايه
~~~~~~~~~~
أهلا زوار حسين نخدمكم مشتاگين
ونرحب بيكم ونرحب بيكم
~~~~~~~~~~
هاي الخدمة محلاها بسمه حسين سماها
والمشايه خلاها....رسالتنه
من ديرة عشگ جينه ومسجلين اسامينه
نخدم كون مهدينه....رسالتنه
حب حسين من أول بذره..لازم نسگيهه
خاطر تفرح بينه الزهره..من انلاگيهه
~~~~~~~~~~
أهلا زوار حسين نخدمكم مشتاگين
ونرحب بيكم ونرحب بيكم
~~~~~~~~~~
شايل رايه بمتونه اتراب مكحل عيونه
أهل البيت يردونه....يحبونه
الله موزع الوادم لو مشايه لو خادم
ولو بثنينهن هايم....يخلونه
أجمل لوحه بهذا العالم..راسمهه حسينه
الله يحب هاي المشايه..ويحميهه بعينه
~~~~~~~~~~
أهلا زوار حسين نخدمكم مشتاگين
ونرحب بيكم ونرحب بيكم
~~~~~~~~~~
غيره تلاگت بغيره رايه وسالفت ديره
صار فراگهم حيره....يعرفونه
وحشه الدرب بجفاهم لا هيهات ننساهم
وحنه إلي عشگناهم....يعشگونه
باجر نلحگهم لو راحوا..صعبه نخليهم
خطوات المشايه انحبهه..نتبع رجليهم
~~~~~~~~~~
أهلا زوار حسين نخدمكم مشتاگين
ونرحب بيكم ونرحب بيكم
~~~~~~~~~~
0 تعليقات